Búgin fýtboldan Premer-lıga komandalarynyń tórtinshi týry bastalady

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 4-týry bastalady, dep habarlaıdy QazAqparat tilshisi.

Atalǵan týr 1 jáne 2 sáýir kúnderi ótedi. Búgin, 1 sáýirde 3 oıyn bolsa, 2 sáýirge qalǵan 4 kezdesý belgilengen.

Búgin, saǵat 14:00-de «Kaspıı» (Aqtaý) men «Qaısar» (Qyzylorda) tórtinshi týrdyń shymyldyǵyn túredi. Odan keıin 16:00-de «Shahter» (Qaraǵandy) men «Qaırat» (Almaty), 18:00-de «Aqsý» (Pavlodar oblysy) men «Maqtaral» (Túrkistan oblysy) kezdesedi.

Al 2 sáýir kúni, saǵat 15:00-de «Jetisý» (Taldyqorǵan) men «Tobyl» (Qostanaı), 17.00-de «Aqtóbe» men «Qyzyljar» (Petropavl), «Atyraý» men «Oqjetpes» (Kókshetaý) jasyl alańǵa shyǵady. Atalǵan týrdy saǵat 19:00-de «Astana» men «Ordabasy» (Shymkent) komandalary túıindeıdi.

Eske salsaq, alǵashqy úsh týrdan keıin «Aqtóbe» komandasy kósh bastap tur.