Búgin fýtboldan Premer-lıga komandalarynyń alǵashqy týry bastalady

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 1-týry bastalady, dep habarlaıdy QazAqparat tilshisi.

Atalǵan týr 4 jáne 5 naýryz kúnderi ótedi. Búgin, 4 naýryzda tórt oıyn bolsa, 5 naýryzda qalǵan úsh kezdesý belgilengen.

Aldymen 4 naýryzda qazanda saǵat 14:00-de «Ordabasy» (Shymkent) men «Kaspıı» (Aqtaý) jasyl alańǵa shyqsa, 16:00-de «Jetisý» (Taldyqorǵan) pen «Aqtóbe», 18:00-de «Tobyl» (Qostanaı) ben «Aqsý» (Pavlodar oblysy) kezdesedi.

Alǵashqy kúngi oıyndardy 20.00-de «Astana» ben «Shahter» (Qaraǵandy) komandalary aıaqtaıdy. Atalǵan kezdesý «Qazsport» telearnasynan tikeleı efırde kórsetiledi.

Al 5 naýryzda saǵat 15:00-de «Maqtaral» (Túrkistan oblysy) men «Oqjetpes» (Kókshetaý), 17.00-de «Qaırat» (Almaty) men «Atyraý» komandalary kezdesedi.

Atalǵan týrdy 20:00-de «Qaısar» (Qyzylorda) pen «Qyzyljar» (Petropavl) komandalary túıindeıdi.

Eske salsaq, fýtboldan Qazaqstan chempıonatynyń alǵashqy týry Tımýr Segizbaevqa arnalady.