Búgin fýtboldan Premer-lıga komandalarynyń 7-týry bastalady

ASTANA. QazAqparat - Búgin fýtboldan Premer-lıga komandalary arasyndaǵy el birinshiliginiń 7-týry bastalady, dep habarlaıdy QazAqparat tilshisi.

Atalǵan týr 22 jáne 23 sáýir kúnderi ótedi. Búgin 2 oıyn bolsa, erteńge qalǵan 2 kezdesý belgilengen.

Búgin, 22 sáýirde saǵat 15:00-de «Qyzyljar» (Petropavl) men «Kaspıı» (Aqtaý) besinshi týrdyń shymyldyǵyn túredi. Odan keıin 17:00-de «Maqtaral» (Túrkistan oblysy) men «Jetisý» (Taldyqorǵan) komandalary oınaıdy.

Al 23 sáýirde 14:00-de «Oqjetpes» (Kókshetaý) pen «Shahter» (Qaraǵandy), 16:00-de «Atyraý» men «Aqsý» (Pavlodar oblysy), «Tobyl» (Qostanaı) men «Aqtóbe», 18:00-de «Qaırat» (Almaty) pen «Ordabasy» (Shymkent) jasyl alańǵa shyǵady.

Atalǵan týrdy saǵat 20:00-de «Qaısar» (Qyzylorda) men «Astana» komandalary túıindeıdi.

Eske salsaq, budan buryn Qazaqstan kýbogy 1/8 fınaldyq oıyndary ótkizildi.