Búgin fýtboldan Premer-lıga komandalarynyń 6-týry bastalady

ASTANA. QazAqparat – Búgin fýtboldan Premer-lıga komandalary arasyndaǵy el birinshiliginiń 6-týry bastalady, dep habarlaıdy QazAqparat tilshisi.

Atalǵan týr 15 jáne 16 sáýir kúnderi ótedi. Búgin 3 oıyn bolsa, erteńge qalǵan 4 kezdesý belgilengen.

Búgin, 15 sáýirde saǵat 15:00-de «Kaspıı» (Aqtaý) men «Oqjetpes» (Kókshetaý) besinshi týrdyń shymyldyǵyn túredi. Odan keıin 17:00-de «Jetisý» (Taldyqorǵan) men «Qaısar» (Qyzylorda), «Shahter» (Qaraǵandy) men «Maqtaral» (Túrkistan oblysy) komandalary sheberlik baıqasady.

Al, 16 sáýir kúni 15:00-de «Aqsý» (Pavlodar oblysy) men «Qyzyljar» (Petropavl), 17:00-de «Aqtóbe» men «Atyraý», 19:00-de «Astana» men «Qaırat» (Almaty) jasyl alańǵa shyǵady.

Atalǵan týrdy saǵat 21:00-de «Ordabasy» (Shymkent) men «Tobyl» (Qostanaı) komandalary túıindeıdi.

Eske salsaq, besinshi týrdan keıin «Qyzyljar» komandasy kósh bastap keledi.