Búgin fýtboldan Premer-lıga komandalarynyń 20-týr oıyndary bastalady
NUR-SULTAN. QazAqparat - 14 qyrkúıek kúni fýtboldan Premer-lıga komandalary arasyndaǵy el birinshiliginiń 20-týry bastalady, dep habarlaıdy QazAqparat tilshisi.
Atalǵan týr 14 jáne 15 qyrkúıek kúnderi ótedi. Búgin eki oıyn bolsa, 15 qyrkúıekte qalǵan bes kezdesý belgilengen.
Alǵashqy kúni, saǵat 19:00-de «Astana» (Nur-Sultan) men «Tobyl» (Qostanaı) jasyl alańǵa shyqsa, 21:00-de «Aqtóbe» men «Taraz» sheberlik baıqasady.
Al 15 qyrkúıek saǵat 17:00-de «Atyraý» men «Turan» (Túrkistan), «Shahter» (Qaraǵandy) men «Kaspıı» (Aqtaý) komandalary kezdesedi. Sondaı-aq 19:00-de «Aqsý» (Pavlodar oblysy) men «Aqjaıyq» (Oral), «Qaırat» (Almaty) pen «Ordabasy» (Shymkent) komandalary oınaıdy. Atalǵan týrdy 21:00-de «Maqtaral» (Túrkistan oblysy) men «Qyzyljar» (Petropavl) komandalary túıindeıdi.
Oıyndar «Qazsport» jáne PFLK-TV arqyly tikeleı efırde kórsetiledi.
Qazir týrnır kestesinde «Aqtóbe», «Astana», «Tobyl» komandalary alǵashqy úshtikte keledi.
