Búgin fýtboldan Premer-lıga komandalary arasyndaǵy el birinshiliginiń 18-týry bastalady
NUR-SULTAN. QazAqparat - Búgin, 4 qyrkúıekte fýtboldan Premer-lıga komandalary arasyndaǵy el birinshiliginiń 18-týry bastalady, dep habarlaıdy QazAqparat tilshisi.
Atalǵan týr 4 jáne 5 qyrkúıek kúnderi ótkiziledi. Aldymen 4 qyrkúıekte tórt oıyn bolsa, 5 qyrkúıekte qalǵan úsh kezdesý belgilengen.
Alǵashqy eki kezdesýde 16:00-de «Shahter» (Qaraǵandy) men «Taraz» jasyl alańǵa shyqsa, 18:00-de «Atyraý» men «Kaspıı» (Aqtaý) komandalary sheberlik baıqasady.
Odan keıin 20:00-de «Aqsý» (Pavlodar oblysy) men «Maqtaral» (Túrkistan oblysy), «Ordabasy» (Shymkent) men «Turan» (Túrkistan) komandalary kezdesedi.
Al 5 qyrkúıekte 19:00-de «Qaırat» (Almaty) pen «Tobyl» (Qostanaı) oıyny bastalsa, 20:00-de «Aqtóbe» men «Qyzyljar» (Petropavl) jasyl alańǵa shyǵady.
Atalǵan týrdy 21:00-de «Astana» (Nur-Sultan) men «Aqjaıyq» (Oral) oıyny túıindeıdi.
Oıyndar «Qazsport» jáne PFLK-TV arqyly tikeleı efırde kórsetiledi.
Qazir týrnır kestesinde «Aqtóbe», «Astana», «Tobyl» komandalary alǵashqy úshtikte keledi.
Eske salsaq, budan buryn fýtboldan birinshi lıgada «Oqjetpes» pen «Qaısar» teń tústi.
