Búgin fýtboldan Qazaqstan quramasy Chernogorııamen kezdesedi
NUR-SULTAN. QazAqparat - Búgin fýtboldan Qazaqstan men Chernogorııa quramalary joldastyq kezdesý ótkizedi, dep habarlaıdy QazAqparat tilshisi.
Kezdesý Chernogorııa astanasy - Podgorıtse qalasynda ótkiziledi . Oıyn elorda ýaqytymen saǵat 23.00-de bastalyp, Qazsport telearnasynan tikeleı efırde kórsetiledi.
Qazaqstan atalǵan qarsylasymen budan buryn úsh márte kezdesti. 2008 jyldyń 27 mamyrynda Podgorıtsede ótken joldastyq kezdesýde olardan 0:3 esebimen jeńilip qaldy. Odan keıin eki quramanyń joly 2018 jylǵy álem chempıonatyna irikteý kezeńinde E tobynda túıisti. Aldymen 2016 jyldyń 8 qazanynda Podgorıtsede 0:5 esebimen ese jibergen qazaqstandyq qurama 2017 jyldyń 1 qyrkúıeginde elordada olarǵa 0:3 esebimen ese jiberdi.
Chernogorııa quramasy 2007 jyldan beri álemdik fýtboldaǵy túrli jarystarǵa qatysyp keledi. Ázirge álem jáne Eýropa chempıonattary fınaldyq kezeńine shyǵa alǵan joq. FIFA jarııalaǵan sońǵy reıtıngte olar 64-orynda tursa, Qazaqstan quramasy 119-orynda.
Búginde eki qurama UEFA Ulttar lıgasynda oıyn kórsetip keledi. Atalǵan týrnırde S lıgasynda birinshi topta Chernogorııa 9 upaımen kósh bastap tursa, Qazaqstan tórtinshi topta sońǵy orynda keledi.
Esterińizge sala ketelik, Qazaqstan quramasy endi Ulttar lıgasynda eki oıyn ótkizedi. Aldymen 15 qazanda syrt alańda Albanııamen sheberlik baıqassa, 18 qarashaa óz alańynda Lıtvany qabyldaıdy.
