Búgin fýtboldan Qazaqstan kýbogynyń jartylaı fınaly ótedi
ASTANA. QazAqparat - Búgin, 19 qazanda fýtboldan Qazaqstan kýbogynyń jartylaı fınaly ótedi, dep habarlaıdy QazAqparat tilshisi.
Jartylaı fınalda «Aqjaıyq» (Oral) men «Taraz» (16:00), «Astana» men «Ordabasy» (19:00) komandalary kezdesedi.
Fınalǵa joldama bir ǵana oıynnyń nátıjesimen beriledi.
Jartylaı fınal oıyndary PFLK-TV telearnasy arqyly tikeleı efırde kórsetiledi.
Qazaqstan kýbogy oıyndary 6 sáýirden bastaldy. Ol 12 qarashada máresine jetedi.
Atalǵan týrnır 1992 jyldan beri turaqty ótkizilip keledi.
Buǵan deıin Almatynyń «Qaıraty» 10 márte kýbokty tóbesine kóterdi. Barlyǵy 15 komanda kýbok ıegeri atandy.
Eske salsaq, budan buryn fýtboldan birinshi lıgada «Qaısar» qarsylasyn iri eseppen jeńdi.
