Búgin fýtboldan Qazaqstan kýbogynyń fınaly ótedi
Fınalda Oraldyń «Aqjaıyǵy» men Shymkenttiń «Ordabasy» komandalary kezdesedi.
Oıyn elorda ýaqytymen 15:00-de bastalyp, «Qazsport» telearnasynan tikeleı efırde kórsetiledi.
Atalǵan kezdesýde qaraǵandylyq Artem Kýchın bas tóreshi qyzmetin atqarady. Oǵan almatylyq Samat Tergeýsizov pen atyraýlyq Sergeı Kalachev kómekshi bolady. Qosalqy tóreshi - temirtaýlyq Elvıra Nurmustafına.
«Aqjaıyq» komandasy atalǵan týrnırdiń fınalyna shyǵyp kórgen emes. Osylaısha óz tarıhynda tuńǵysh márte kýbokty sarapqa salýǵa múmkindik alyp otyr.
Al «Ordabasy» 2011 jyly Qazaqstan kýbogyna ıe bolsa, 2007 jyly fınalda Qostanaıdyń «Tobylyna» ese jiberip qoıdy.
Atalǵan týrnır 1992 jyldan beri turaqty ótkizilip keledi.
Buǵan deıin Almatynyń «Qaıraty» 10 márte kýbokty tóbesine kóterdi. Barlyǵy 15 komanda kýbok ıegeri atandy.
