Búgin fýtboldan Qazaqstan chempıonaty bastalady
ASTANA. 9 naýryz. QazAqparat - Búgin fýtboldan HHІІ Qazaqstan chempıonatynyń perdesi túriledi. El birinshiliginiń premer-lıgasyndaǵy 12 komanda elimizdiń alty qalasynda bıylǵy maýsymdaǵy alǵashqy oıyndaryn ótkizedi, dep habarlaıdy alasharena.kz sport portaly.
Bıyl premer-lıgada 12 komanda dodaǵa túsedi. 2013 jylǵy el chempıonaty eki kezeńge bólinip ótkiziledi. Onyń birinshi bóliginde 12 komanda eki aınalymdyq júıemen (úıde jáne túzde) 22 oıynnan ótkizedi.
Birinshi aınalym 18 mamyr kúni aıaqtalyp, ekinshi aınalym 22 mamyrda bastalady. Ekinshi aınalym, ıaǵnı el chempıonatynyń birinshi bóligi 4 tamyz kúni tamamdalady.
Budan keıin osy eki aınalymdaǵy oıyndardyń qorytyndyy boıynsha 12 komanda eki topqa jikteledi. 1-6 oryn alǵan komandalar júldeli oryndardy sarapqa salady da, 7-12 oryn alǵan komandalar ózara dodaǵa túsedi.
El birinshiliginiń ekinshi kezeńi de eki aınalymdyq júıemen ótedi. Munda árbir altylyqtaǵy komandalar úıde jáne túzde júıesimen 10 oıynnan ótkizedi.
El chempıonatynyń ekinshi jartysyn barlyq komandalar birinshi kezeńdegi jınaǵan upaılarynyń teń jartysymen ǵana bastaıdy. Mysaly, bir komanda el chempıonatynyń birinshi jartysynda 50 upaı jınasa, sol komanda ekinshi kezeńdi 25 upaımen bastaıdy. Al eger qaısybir komanda 49 upaı jınasa, ol da ekinshi kezeńdi 25 upaımen bastaıdy. Sebebi taq sandy upaılardy ekige bólgende, olar artyq jaǵyna qaraı dóńgeletiledi.
El chempıonatynyń ekinshi bóliginde 7-12 oryndar sarapqa salynatyn topta oınap, sońǵy orynǵa taban tiregen komanda kelesi jyly birinshi topta óner kórsetetin bolady.
Al osy altylyqta 11-orynǵa ıe bolǵan komanda birinshi lıgada ekinshi oryn alǵan klýbpen kezdesip, 2014 jyly premer-lıgada oınaýǵa quqyq beretin bir joldamaǵa (orynǵa) talasady.
El chempıonatynyń eki kezeńinde de jeńiske jetken komandaǵa úsh upaı beriledi de, al teń aıaqtalǵan oıynda eki komanda bir upaıdan bólisedi.
Sonymen, 2013 jylǵy el chempıonatynyń birinshi týry 9 naýryzda elimizdiń alty qalasynda ótedi:
I týr 9 naýryz (senbi)
«Aqjaıyq» (Oral) - «Shahter» (Qaraǵandy)
«Vostok» (Óskemen) - «Aqtóbe» (Aqtóbe)
«Ordabasy» (Shymkent) - «Ertis» (Pavlodar)
«Qaırat» (Almaty) - «Jetisý» (Taldyqorǵan)
«Tobyl» (Qostanaı) - «Astana» (Astana)
«Taraz» (Taraz) - «Atyraý» (Atyraý)
