Búgin fýtboldan Qazaqstan birinshiliginiń úshinshi týry ótedi
NUR-SULTAN. QazAqparat - Búgin, 17 naýryzda fýtboldan Premer-lıga komandalary arasyndaǵy Qazaqstan birinshiliginiń úshinshi týry ótedi, dep habarlaıdy QazAqparat tilshisi.
Bıylǵy dop dodasynda barlyǵy 14 komanda baq synaıdy. Olar eki aınalym júıesi boıynsha sheberlik baıqasady.
Búgin, 17 naýryzda alty komanda kezdesedi.
Atalǵan týrdaǵy basty oıyn elordalyq «Astana» men «Aqtóbe» komandalary arasynda ótedi. Alǵashqy eki týrdan keıin upaı ala almaǵan «Astana» kósh sońynda tursa, «Aqtóbe» úsh upaımen jetinshi orynda keledi. Kezdesý elorda ýaqytymen 19:00-de bastalady.
Úshinshi týrdaǵy ózge oıyn kestesi tómendegishe:
15.00. «Atyraý» men «Maqtaral» (Túrkistan oblysy),
17.00. «Ordabasy» (Shymkent) men «Aqjaıyq» (Oral)
17.00. «Turan» (Túrkistan) men «Kaspıı» (Aqtaý)
17.00. «Qaırat» (Almaty) men «Taraz». «Qazsport».
19.00. «Tobyl» (Qostanaı) men «Qyzyljar» (Petropavl)
Atalǵan týrdaǵy «Shahter» (Qaraǵandy) men «Aqsý» (Pavlodar oblysy) arasyndaǵy kezdesý aýa raıynyń qolaısyzdyǵyna baılanysty keıinge shegerildi.
Alǵashqy eki týrdan keıin «Shahter» men «Qaırat» komandalary alty upaımen kósh bastap keledi.
