Búgin fýtboldan Qazaqstan birinshiliginiń segizinshi týry bastalady
NUR-SULTAN. QazAqparat - Búgin, 26 sáýirde fýtboldan Premer-lıga komandalary arasyndaǵy Qazaqstan birinshiliginiń segizinshi týry bastalady, dep habarlaıdy QazAqparat tilshisi.
Segizinshi týr oıyndary eki kúnge belgilengen. Aldymen 26 sáýirde eki kezdesý ótse, 27 sáýirde taǵy bes oıyn bolady.
Mamandar atalǵan týrdaǵy basty oıyn retinde qostanaılyq «Tobyl» men elordalyq «Astana» komandalary arasyndaǵy kezdesýdi ataıdy.
Jeti týrdan keıin 12 upaımen «Astana» kósh basynda tursa, «Tobyl» 11 upaımen ázirge besinshi orynda keledi.
Kezdesý 26 sáýirde elorda ýaqytymen 20:00-de bastalyp, «Qazsport» telearnasynan tikeleı efırde kórsetiledi.
Jetinshi týrdaǵy ózge oıyndar kestesi tómendegishe:
26 cáýir
18.00. «Qaırat» (Almaty) men «Ordabasy» (Shymkent)
27 sáýir
16.00. «Qyzyljar» (Petropavl) men «Maqtaral» (Túrkistan oblysy). «Qazsport» telearnasynan tikeleı efırde kórsetiledi
17. 00. «Aqjaıyq» (Oral) men «Aqsý» (Pavlodar oblysy)
18.00. «Kaspıı» (Aqtaý) men «Shahter» (Qaraǵandy). «Qazsport» telearnasynan tikeleı efırde kórsetiledi.
19.00. «Turan» (Túrkistan) men «Atyraý».
20.00. «Taraz» ben «Aqtóbe». «Qazsport» telearnasynan tikeleı efırde kórsetiledi.
Týrnır kestesinde «Kaspıı», «Astana» jáne «Qaırat» komandalary kósh bastap keledi.
Eske salsaq, budan buryn jetinshi týr oıyndary ótkizildi.
