Búgin fýtboldan el birinshiliginiń 14-týry ótedi
NUR-SULTAN. QazAqparat - Búgin, 19 maýsymda fýtboldan Premer-lıga komandalary arasyndaǵy Qazaqstan birinshiliginiń on tórtinshi týry ótedi, dep habarlaıdy QazAqparat tilshisi.
On tórtinshi týr oıyndarynyń barlyǵy bir kúnge belgilengen.
Mamandar atalǵan týrdaǵy basty oıyn retinde Qostanaıdyń «Tobyl» jáne Aqtaýdyń «Kaspıı» komandalary arasyndaǵy kezdesýdi ataıdy. Ótken jylǵy el chempıony - «Tobyl» qazir týrnır kestesinde besinshi orynda tursa, aqtaýlyq klýb kósh basynda keledi.
Atalǵan kezdesý elorda ýaqytymen 21:00-de bastalyp, «Qazsport» telearnasynan tikeleı efırde kórsetiledi.
Sondaı-aq, on tórtinshi týrda «Shahter» (Qaraǵandy) men «Qyzyljar» (Petropavl), «Ordabasy» (Shymkent) men «Taraz», «Qaırat» (Almaty) pen «Maqtaral» (Túrkistan oblysy), «Atyraý» men «Aqtóbe», «Turan» (Túrkistan) men «Aqjaıyq» (Oral), «Astana» (Nur-Sultan) men «Aqsý» (Pavlodar oblysy) klýbtary kezdesedi.
Eske salsaq, budan buryn qazaqstandyq klýbtardyń UEFA lıgasyndaǵy qarsylastary anyqtaldy.
