Búgin fýtboldan Álem chempıonatynda alǵashqy fınalıst anyqtalady
ASTANA. QazAqparat - Búgin Reseıde ótip jatqan fýtboldan Álem chempıonatynda alǵashqy fınalıst anyqtalatyn bolady, dep habarlaıdy QazAqparat tilshisi.
Astana ýaqytymen saǵat 00.00-de aqtyq saıysqa shyǵý úshin Belgııa men Frantsııa sheberlik baıqasatyn bolady. Al ekinshi fınalıst Anglııa-Horvatııa arasynda anyqtalady.
Eske salaıyq, Frantsııa quramasy Danııa, Avstralııa jáne Perý komandalaryn jeńip, «S» tobynda birinshi orynǵa shyqqan bolatyn. Al pleı-offta Mıshel Platınıdiń otandastary Argentına men Ýrýgvaıdan basym túsken edi.
Óz kezeginde belgııalyqtar «G» tobynda Anglııa, Týnıs jáne Panama quramalarynan myqty boldy. Shırek fınalda olar Japonııany jeńdi, keıin sensatsııalyq oıyn kórsetip, basty favorıt sanalǵan Brazılııany jarys jolynan shyǵardy.
