Búgin Eýropada áýe qatynasy jandanady
ASTANA. Sáýirdiń 22-si. QazAqparat - Búgin Eýropada áýe qatynasy tolyq derlik jandanatyn bolady. Bul týraly Ushý saparlarynyń qaýipsizdigi jónindegi eýropalyq agenttiktiń sársenbi kúni keshke jasaǵan málimdemesinde aıtylyp otyr, dep habarlaıdy ITAR-TASS agenttigi.
«Beısenbi kúni Eýropa aspanyndaǵy áýe qatynasyn 100 paıyz derlik jandandyrý josparlanyp otyr. Barlyq 338 transatlantıkalyq ushý sapary keste boıynsha ótedi», dep atap kórsetiledi Eýrobaqylaý agenttiginiń málimdemesinde.
Sondaı-aq agenttiktiń atap kórsetýinshe, Eýropanyń barlyq áýe keńistigi «20 myń fýt bıiktikten joǵary qaraı ashyq bolady (6 myń metr)». Bul mejeden tómen keńistiktikte birneshe aýmaq jabyq qaldyrylady, atap aıtqanda Fınlıandııa men Shotlandııanyń soltústik aýmaǵynyń aspany.
