Búgin Eýropa Odaǵyna Nobel syılyǵy tapsyrylady

 Marapattaý rásimine EO Keńesiniń prezıdenti Herman Van Rompeı, Eýropa komıssııasynyń basshysy Hose Manýel Barrozo jáne Eýropa parlamentiniń prezıdenti Martın Shýlts qatyspaq.

Osloǵa syılyqty tapsyrý rásimine birqatar elderdiń basshylary, onyń arasynda arnaıy Germanııa kantsleri Angela Merkel, Frantsııa prezıdenti Fransýa Olland keledi dep kútilýde.

Qazan aıynda EO-ǵa "álemde beıbitshilik, demokratııa men adam quqyqtarynyń saqtalýyna qosqan úlesi úshin" Nobel syılyǵyn berý týraly uıǵarym jasalǵan. Osloda myńdaǵan adam Nobel syılyǵynyń EO-ǵa berilýine narazylyq aktsııasyn ótkizbek.

Norvegııa EO-ǵa múshe emes. Norvegııalyqtar buǵan deıin EO-ǵa kirý usynysynan eki ret bas tartqan, dep habarlaıdy «Azattyq».