Búgin Eýropa kúni atap ótilýde

Ol Eýroodaqtyń qurylýyna sebepshi bolǵan «Shýman deklaratsııasynyń kúni» atymen de belgili.

 Bul kúndi Eýroodaqta tóraǵalyq etýshi el - Danııa 2020 jylǵa deıin birikken Eýropanyń atmosferaǵa kómirqyshqyl gaz qaldyqtaryn 30 paıyzǵa qysqartýǵa talpynysyn atap ótý úshin búkil Eýropa boıynsha «Jasyl ekonomıka - jasyl mobıldilik» ekologııalyq taza ekonomıkanyń damýy belgisimen atap ótýdi sheshken.

«Eýropa kúni Eýroodaqtyń qyzmeti men jetistikterin atap ótýdiń mańyzdy sebebi bolyp tabylady. Bıylǵy jyly Danııanyń Eýroodaqqa tóraǵalyq etýi eýropalyq astanalarda kóliktiń turaqty damýy problemalaryna nazar aýdarýdy sheshti, óıtkeni «jasyl» ekonomıka jumys oryndaryn quryp, óndiris ósimin yntalandyrýǵa, sondaı-aq qorshaǵan ortany jáne turǵyndar densaýlyǵyn jaqsartýǵa múmkindik beredi», - dedi Danııanyń eýropalyq ister jónindegi mınıstri Nıkolaı Vammen.

Dat tóraǵalyǵy ókilderiniń atap ótýinshe, búginde Eýroodaqta barlyq saparlardyń jartysynan kóbi bes shaqyrymnan az qashyqtyqtan turatyn baǵyttardy quraıdy. Eger barlyq qysqa baǵyttar velosıpedpen nemese jaıaý júrgizilse, bul qorshaǵan ortanyń, klımattyń jáne adam densaýlyǵynyń aıtarlyqtaı jaqsarýyna ákeledi.

Danııalyqtardyń kóbi úshin velosıped qozǵalystyń negizgi quraly bolyp tabylady, Danııa astanasy Kopengagen turǵyndarynyń 35 paıyzynan kóbi ony negizgi kólik quraly retinde paıdalanady. Osyǵan baılanysty dat tóraǵalyǵynyń Eýropa kúnine arnap uıymdastyrǵan sharalary eýropalyqtardy danııalyqtardan úlgi alýǵa yqpal etýi kerek.

Rıgada velosıped mingen ájeler men atalar, eýropalyq astana - Brıýsseldiń ortalyǵyndaǵy bir top velosıpedshiler, Varshava qalasynyń kóshelerindegi sheteldik dıplomattardyń, saıasatkerler men jýrnalısterdiń qatysýymen velosıpedshiler sherýiniń ótýi - bul dat tóraǵalyǵynyń búgingi kúni josparlaǵan sharalarynyń bir bóligi ǵana.

Eýropa kúni eýropalyqtar arasyndaǵy yntymaqtastyqty nyǵaıtý úshin qurylǵan nyshandardyń biri. 9 mamyr kúni Eýrodaqtyń kóptegen múshe memleketterinde, sondaı-aq Túrkııa sııaqty kórshiles elderde ár túrli úlgilerde atap ótiledi. Merekeniń saıası sıpatyna oraı bul kúni Eýroodaqqa, sondaı-aq eýropalyq ıntegratsııaǵa arnalǵan bilim berý sharalary ótkiziledi.