Búgin elordanyń saýda ortalyqtarynda jeńildikter qarastyrylyp otyr
ASTANA. 7 naýryz. QazAqparat - Búgin elordanyń «Han Shatyr» saýda oıyn-saýyq ortalyǵynda 8 naýryz -Halyqaralyq áıelder kúnine arnalǵan «Super Mama» biregeı is-sharasy ótedi.
Bul týraly astana.kz saıtyna Astana qalasy ákimi apparatynyń Kásipkerlik jáne ónerkásip basqarmasynan málim etti.
Іs-sharany uıymdastyrýshylardyń aıtýynsha, úzdik ana atanýy úshin 10 áıel qatysty. Olar: «Tanystyrý», «Talanttar baıqaý» jáne «Úı tapsyrmasy» atalymdary boıynsha baq synaıtyn bolady.
Barlyq qatysýshylarǵa tamasha júldeler tigilgen. Іs-shara 18.00-de bastalady. Kirý erkin.
Aıta ketý kerek, «Azııa Park» saýda oıyn-saýyq ortalyǵynda da Halyqaralyq áıelder kúni merekesine oraı 1-i men 9 naýryz aralyǵynda 80 paıyzǵa deıin «Jeńildikter festıvali» ótedi.
