Búgin elordanyń Esil ózeni boıyndaǵy jaǵajaı maýsymy ashylady
ASTANA. QazAqparat - Búgin Astanada sýǵa túsý maýsymy ashylady. Bul týraly Astana qalasynyń ortalyq saıabaǵynyń eksplýatatsııa bóliminiń basshysy Irına Maslenka málimdedi, dep habarlaıdy Elorda Info tilshisi.
«Jaǵajaıǵa bes qutqarýshy men bir kólik tartyldy, ol ár sekýnd saıyn elordalyqtardyń qaýipsizdigin qadaǵalaıtyn bolady. Qalalyq jaǵajaıǵa shatyrlar, qoǵamdyq dárethana jáne tazartylǵan qumdar, sondaı-aq tereń oryndarǵa belgiler men qorshaýlar ornatylǵan», - dedi ol.
Ortalyq saıabaqta ornalasqan jaǵajaıǵa kirý aqysy bıyl ózgerissiz qaldy: bılet quny eresekterge - 500 teńge, balalar úshin - 200 teńge, al múgedekter, zeınetkerler men jeti jasqa deıingi balalar úshin tegin.
«Sonymen qatar, bıyl saıabaqta otbasylyq jaǵajaı klýby ashyldy. «Keshende úsh júzý basseıni bar. Birinshisi - eń kishi, onyń tereńdigi - 20 sm. Ekinshi basseınniń tereńdigi - 1,5 m, al eresekterge arnalǵan úshinshi basseınniń tereńdigi - 2,5 m. Eresekter úshin bılettiń baǵasy - 5000 tg, balalar úshin - 3000 tg, úsh jasqa deıingi balalar tegin», - dedi Irına Maslenko.
Aıta ketereıik, «Qazgıdromettiń» málimeti boıynsha, erteń Astanada aýa- raıy kúndiz +28 gradýsty, keshke +17 gradýs shamasynda bolady.
