Búgin elordalyqtar qalalyq alańda Jańa jyldy qarsy alýǵa jınalady
ASTANA. Jeltoqsannyń 31-i. QazAqparat - Búgin elorda turǵyndary saǵat 22:00-de qalalyq alańda bas qosyp, Jańa jyldy birge qarsy alý múmkindigine ıe bolady.
Qala qonaqtary men turǵyndaryn kele jatqan Jańa jylmen Memlekettik fılarmonııanyń, Jastar teatrynyń ártisteri, sondaı-aq Astananyń basqa da shyǵarmashylyq ujymdary quttyqtaıdy. Bul aqparatty «Báıterek» medıa ortalyǵynyń baspasóz qyzmeti taratyp otyr.
Teatrlandyrylǵan qoıylym alańǵa jınalǵan barlyq halyqty jańajyldyq karnavaldy tolyq sezinýge múmkindik beredi. Al saǵat 23:55-te alańda ornatylǵan alyp ekrannan Memleket basshysy Nursultan Nazarbaevtyń jańajyldyq quttyqtaýyn tyńdaı alady.
Jańajyldyq otshaý 2010 jyldyń bastalǵandyǵyn bildiredi. Túrli baıqaýlarmen ótetin merekelik bı keshi túngi saǵat 2-ge deıin jalǵasady.
