Búgin elordalyq oqýshylar «Báıterek» monýmentiniń aldynda óleń oqıdy
ASTANA. QazAqparat - Búgin Astananyń 12-15 jas aralyǵyndaǵy oqýshylary Báıterek monýmentiniń aldynda mánerlep óleń oqıdy.
Shara uıymdastyrýshylary habarlaǵandaı, bul «Jas kóshbasshy mektebi» baǵdarlamasynyń ózindik sheshýshi emtıhany. Jalpy, onyń maqsaty - balalardy ómir syndarynan ótýge jáne táýelsiz bolýǵa úıretý, dep jazady strategy2050.kz.
Shara uıymdastyrýshysy - tájirıbeli psıholog, sheshendik ónerinen belgili jattyqtyrýshy Merýert Júnisbek.
«Kópshilik aldyna shyǵyp sóz sóılep, mánerlep óleń oqý jasóspirimderdiń óz boılaryndaǵy qorqynyshtaryn jeńýge jáne óziniń ishki jan-dúnıesin ashyp kórsetýge járdemdesedi», - delingen habarlamada.
