Búgin elordalyq medıaortalyqtaǵy jańa stýdııadan «Eýrazııa» birinshi arnasy jańalyqtarynyń alǵashqy habarlary efırden taratylady

«Eýrazııa» birinshi arnasynyń aqparattyq baǵdarlamalar dırektsııasynyń bas rejısseri Zohıdjon Hadjımetov bul oqıǵa  týraly bylaı deıdi:

«Jańa stýdııa tikeleı habar taratýǵa múmkindik beredi. ıAǵnı, jýrnalıster júrgizýshilermen oqıǵa ornynan tikeleı baılanysady. Bizdiń jańalyqtar ýaqytyn ár tildegi 15 mınýttyq habar taratýdan 30 mınýtqa ulǵaıtý máselesi qarastyrylyp jatyr. Biz olardy shoý túrinde ótkizýdi josparlap otyrmyz. Ázirge munyń barlyǵy qarastyrylyp jatyr. Jańa format kórermenderdiń kóńilinen shyǵady degen úmittemiz».

Stýdııa tamasha bolýy úshin dızaınerler baryn saldy. Stýdııany ázirleýde kompanııaǵa tán túster - kók, qyzyl jáne aq túster qoldanyldy. Bas rejısserdiń aıtýynsha, dızaınnyń avtory - Muhtar Myrzakeev. Bul sýretshiniń eńbekterin túsirilimderi Reseıde ótken «Dnevnoı dozor», «Ironııa sýdby. Prodoljenıe» jáne «Elkı-2» fılmderi boıynsha baǵalaýǵa bolady.

«Telestýdııa dızaınyn jasaýda men ondaǵy pishinder men syzyqtardyń aıqyn bolǵanyn qaladym. Osy keńistikke tán etip jasaýǵa tyrystym», - dedi Muhtar Myrzakeev.
Jań stýdııadan kúndizgi jáne keshkilik jańalyqtar efırge shyǵady. Ázirge jospar osyndaı. Alaıda «Eýrazııa» birinshi arnasy kórermenderin jańa jobalarymen tańǵaldyrýyn jalǵastyrýdy kózdeıdi.