Búgin elordada «Joldaǵy qabyldaý» aktsııasy ótedi
ASTANA. QazAqparat - 9 qazanda saǵat 10:00-17:00 aralyǵynda Astana qalasy ІІD Ákimshilik polıtsııasy «Nur Otan» partııasynyń ókilderimen birlesip qala turǵyndary úshin qoǵamdyq máseleler men jol qaýipsizdik erejeleri boıynsha qabyldaý ótkizedi, dep habarlaıdy elorda ákimdiginiń baspasóz qyzmetinen.
Ákimshilik polıtsııa basqarmasynyń habarlaýynsha, atalmysh sharanyń basty maqsaty polıtsııa qyzmetkerleriniń ımıdjin kóterý men azamattardyń senimin arttyrý bolyp tabylady. Іs-shara Qazaqstan Respýblıkasy Prezıdentiniń «Qazaqstan joly-2050: Bir maqsat, bir múdde, bir bolashaq» atty Joldaýyn túsindirýge baǵyttalǵan, sondaı-aq azamattarǵa jol qaýipsizdigi boıynsha konsýltatıvtik jáne quqyqtyq kómek kórsetýge negizdelgen.
«Joldaǵy qabyldaý» jyljymaly pýnkti №1 qalalyq avtobýs parkin de qamtıdy, qabyldaý jumysyna jolaýshylardy tasymaldaıtyn elordalyq avtoparktiń basshylary, qyzmetkerler jáne júrgizýshiler quramy qatysady. Budan bólek, azamattardy qabyldaý ishki ister basqarmasynyń úsh aýdanynda jáne «Rýbej» baqylaý beketinde ótedi. «Joldaǵy qabyldaý» aktsııasy ótetin oryndarda ákimshilik polıtsııa qyzmetkerleriniń jumys sapasy jóninde halyq arasynda saýalnama júrgiziledi. «Joldaǵy qabyldaý» aktsııasynyń budan burynǵy tájirıbeleri kórsetkendeı, halyqtyń kópshiligi joldaǵy quqyq tártibiniń jaqsarǵanyn atap ótti. Saýalnamaǵa jaýap bergenderdiń 60% kólik joldary boıynda ákimshilik polıtsııa qyzmetkerleriniń bolǵany jol apatynyń aldyn alýyna septigin tıgizetinin aıtty. Al 70%-dan astamy jol-patrýldik polıtsııa qyzmetkerleriniń sypaıylyǵyn atap ótti.
