Búgin elordada jáne 8 qalada aýa sapasy nasharlaıdy
NUR-SULTAN. QazAqparat - «Qazgıdromet» RMK 4 aqpan, juma kúngi Qazaqstan qalalarynda qalyptasatyn aýa sapasy týraly málim etti, dep habarlaıdy QazAqparat.
Boljamǵa sáıkes, qolaısyz meteorologııalyq jaǵdaılar Nur-Sultan, Almaty, Qaraǵandy (1-dárejeli), Pavlodar (1-dárejeli), Temirtaý, Shymkent, Rıdder (2-dárejeli), Semeı (2-dárejeli) jáne Óskemen (2-dárejeli) qalalarynda kútiledi.
Qolaısyz meteorologııalyq jaǵdaı - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
Qolaısyz meteorologııalyq jaǵdaı kezinde eldi mekenderdegi atmosferalyq aýanyń sapasy nasharlaýy yqtımal.
