Búgin elordada vaktsına alǵandar arasynda eki iPhone12 oınatylady
NUR-SULTAN. QazAqparat - Búgin elordada ákimdiktiń áleýmettik jelidegi paraqshalarynda (Facebook, YouTube) saǵat 20:00-de vaktsınatsııalanǵan azamattar arasynda eki iPhone12 oınatylady, dep habarlaıdy QazAqparat qala ákimdigine silteme jasap.
Birinshi utys oıynyna vaktsınatsııa bastalǵan sátten bastap 6 shildege deıin ekpe alǵandar qatysady (osy ýaqyt aralyǵynda vaktsınatsııalanǵandar sany — 259 myń 115).
Budan keıin apta saıyn jazdyń sońyna deıin iPhone12 oınatylady. Utys oıyny ákimdiktiń áleýmettik jelidegi paraqshalarynda tikeleı efırde ótedi.
Birge platformasynda baıqaý jeńimpazyn anyqtaý úshin arnaıy randomaızer qyzmeti ornatyldy, ol jeńimpazdardy ID arqyly tańdaıdy. Ázirlemege IT-qaýymdastyq ta qatysty.
Búgingi kúni servıs Densaýlyq saqtaý mınıstrliginiń vaktsınatsııalanǵandar týraly málimetterimen biriktirilgen. Osyǵan baılanysty ekpe alǵan elorda turǵyndary konkýrsqa avtomatty túrde qatysady.
Esterińizge sala keteıik, vaktsınatsııalanǵandar arasyndaǵy konkýrs qazirgi epıdemıologııalyq jaǵdaıdy jaqsartýǵa jáne koronavırýs pandemııasynda ujymdyq ımmýnıtetti qalyptastyrýǵa múmkindik beretin vaktsınany alýǵa yntalandyrý úshin qolǵa alyndy. Sondaı-aq, birqatar SOO jáne saýda úılerinde vaktsınatsııalanǵandar arasynda baǵaly syılyqtar oınatylady.
