Búgin elordada Táýelsizdik kúnine oraılastyrylǵan «BІZDІŃ EL OSYNDAI!» aqtyq aıtysy ótedi
ASTANA. 9 jeltoqsan. QazAqparat - Qazaqstan Respýblıkasy Mádenıet jáne aqparat mınıstrligi búgin, 9 jeltoqsanda Astanadaǵy Kongress holl kontsert zalynda saǵat 15.00-de Táýelsizdik kúnine oraılastyrylǵan «BІZDІŃ EL OSYNDAI!» aqtyq aıtysyn ótkizedi.
Negizgi maqsat - aıtys ónerin tól mádenıetimizdiń baǵa jetpes asyl murasy retinde halyqqa keńinen nasıhattaý. Óskeleń urpaq sanasyna ata babalarymyz san ǵasyrdan beri ańsap jetken Táýelsizdiktiń taǵylymyn uıalatý. Halyq arasynan shyqqan jas aıtysker aqyndarǵa demeý kórsetip olarǵa BAQ arqyly jarnama jasaý.
Aıtysqa aımaqtyq aqyndar aıtysynda suryptalyp, top jarǵan jeńimpazdar ǵana qatysady. Aqtyq aıtysqa joldama alǵandardyń negizi jastar. Halyqqa keńinen tanymal Sara Toqtamysova, Jandarbek Bulǵaqov, Muhtar Nııazov, Ásem Erejeqyzy, Balǵynbek Imashev, Meıirbek Sultanhandar ózara saıysqa túsedi.
Halyq aqyndary Ásııa Berkenova, Áselhan Qalybekova, aıtysker aqyn Esenqul Jaqypbekov, folklortanýshy-ǵalym Serik Negımov jáne Qazaqstannyń eńbek sińirgen qaıratkeri, aqyn, pýblıtsıst Júrsin Erman qazylyq etetin aıtystyń bas júldesi - «Altyn dombyra».
