Búgin elordada Memleket basshysynyń qatysýymen «Qarlyǵash» balabaqshasy ashylady
ASTANA. Jeltoqsannyń 23-i. QazAqparat /Marlan Jıembaı/ - Búgin elordada Memleket basshysynyń qatysýymen «Qarlyǵash» balabaqshasynyń ashylý rásimi ótedi,
dep habarlaıdy QazAqparat.
Atalmysh nysannyń dırektory Gúlnár Abdýlınanyń aıtýynsha, balabaqshada balalardyń jas ereksheliakterine oraı eki dene shynyqtyrý zaly, eki basseın jáne eki mýzyka pániniń kabıneti ornalasqan. Sondaı-aq onda eki topqa arnalǵan fýtbol alańy men keshendi oıyndarǵa qajetti arnaıy alańdar bar. «Atalmysh balabaqshanyń ereksheligi onda balalarǵa arnalǵan ınteraktıvti kabınetter men tilderdi oqytý kabıneti salynǵan. Sonymen qatar onda ata-anasynyń tárbıesinen alshaqtap qalǵan balalardy kópshilik ortaǵa beımdeýge arnalǵan arnaıy bólme de bar», dedi dırektor.
Onyń sózine qaraǵanda, balabaqshadaǵy sábılerge bilim berý jáne tárbıeleý QR Mektepke deıingi bilim berý memlekettik standartyna sáıkes júrgiziletin bolady. Tárbıe qazaq jáne orys tilderinde júrgizilmek. Sonymen qatar aǵylshyn tilin meńgerý úshin de qajetti arnaıy sabaqtar ótedi. Onda qazir elimizdiń pedagogtarynyń avtorlyq ınnovatsııalyq baǵdarlamalary negizinde jańa ádistemeler engizý josparlanyp otyr.
Balabaqshada elordanyń aıazdy kúnderi balalardy dalaǵa shyǵarmaý úshin arnaıy salynǵan úlken serýendeý bólmesi bar. QR Prezıdenti Іs basqarmasynyń tapsyrysymen salynǵan balabaqsha 240 sábıge arnalǵan. Nysan respýblıkalyq bıýdjetten qarjylandyryldy. Memlekettik saraptama jumystarynyń qorytyndysy boıynsha jobanyń quny 1 mıllıard 34 mıllıon teńgeni qurap otyr. Balabaqshanyń qurylysy 2008 jyldyń ekinshi toqsanynda bastalǵan jáne ol elordanyń sol jaǵalaýynda ornalasqan.
