Búgin elordada Memleket basshysynyń qatysýymen «Bolashaq» halyqaralyq stıpendııasynyń 20 jyldyǵyna arnalǵan forým ótedi
Forým barysynda Memleket basshysy sóz sóıleıdi dep kútilýde. Sondaı-aq, halyqaralyq baǵdarlama qyzmetiniń qorytyndylary shyǵarylyp, «Qazaqstan - 2050» Strategııasyn iske asyrý konteksinde ulttyń básekege qabilettigin qalyptastyrýdyń jańa mindetteri aıqyndalady.
Forýmǵa elimizdiń óńirlerinen 1500-ge tarta stıpendıat qatysady. Sonymen birge QR Prezıdenti Ákimshiliginiń, Úkimettiń músheleri, Parlament depýtattary, dıplomatııalyq ókildikterdiń basshylary, joǵary oqý oryndarynyń, ǵylymı ortalyqtardyń jetekshileri de atsalysady dep kútilýde.
Іs-shara barysynda Vashıngton, London jáne Shanhaı qalalarymen tikeleı kópir ótkizý de josparlanǵan. «Bolashaq» stıpendııasyn taǵaıyndaý týraly 10000-shy kýálik te osy jıyn aıasynda tabys etilmek.
Aıta keteıik, qazirgi ýaqytta «Bolashaq» stıpendııasy eldegi eń tanymal brendterdiń biri, básekege qabiletti ekonomıkany qalyptastyrýǵa baǵyttalǵan mańyzdy «úzdik joba» bolyp otyr. Baǵdarlama qolǵa alynǵan kezden beri 10025 stıpendııa taǵaıyndaldy. Túlekter sany 6015 adamdy quraıdy. Al qalǵan stıpendıattar álemniń 33 elinde oqýlaryn jalǵastyrýda.
