Búgin elordada Qazaqstan – Germanııa matchy bastalady
NUR-SULTAN. QazAqparat – Búgin Ulttyq tennıs ortalyǵynda Bıllı Djın Kıng kýbogy aıasynda Qazaqstan – Germanııa matchy bastalady, dep habarlaıdy QazAqparat tilshisi.
Qazaqstan tennıs federatsııasy málim etkendeı, qos komandadan birinshi bolyp ıÝlııa Pýtıntseva men Anjelıka Kerber sheberlik baıqasady.
Buǵan deıin qarsylastar eki ret kezdesken. Esep – 2:0, A.Kerberdiń paıdasynda. Kezinde álemdik reıtıngte kósh bastaǵan «Úlken dýlyǵa» týrnıriniń úsh dúrkin chempıony 2018 jyly qazanda Lıýksembýrgte – 6:3, 6:1, 2019 jyly Indıan-Ýellste 6:0, 6:2 esebimen basym túsken.
Osy oıyn bitkennen keıin Elena Rybakına men Laýra Zıgemýnd kortqa shyǵady. 2019 jyly AQSh-taǵy jarystarda E.Rybakına qarsylasyn eki márte jeńse, 2021 jyly germanııalyq tennısshi Dohada qarymta qaıyrǵan.
Senbi kúni birinshi básekede Elena Rybakına men Anjelıka Kerber oınaıdy. Bul olardyń ózara alǵashqy kezdesýi bolmaq.
Sosyn ıÝlııa Pýtıntseva Laýra Zıgemýndpen taıtalasady. Laýra 2014 jyly ıÝlııany joldan taıdyrsa, 2021 jyly aqpanda Aýstralııadaǵy Adelaıda dodasynda qazaqstandyq tennısshi qarsylasyn tize búktirdi.
Eger besinshi kezdesý ótkizý qajet bolsa, juptyq synda Elena Rybakına/Anna Danılına, Germanııa tarapynan Anna-Lena Frıdzam/ıÝle Nımaıer myqtyny anyqtaıdy.
Match búgin elorda ýaqytymen saǵat 13.00-de bastalyp, Qazsport telearnasynan tikeleı efırde kórsetiledi.
Eske sala keteıik, budan buryn Qazaqstan – Germanııa matchynyń jerebesi tartylǵanyn, Qazaqstan jasóspirimder quramasynyń alǵash ret aımaqtyq Devıs kýbogynyń jartylaı fınalyna shyqqanyn jazǵan bolatynbyz.
Sondaı-aq qazaqstandyq tennısshi Madrıd týrnıriniń jartylaı fınalyna shyqty.
