Búgin elordada «Biz Qazaqstannyń bolashaǵymyz!» atty oqýshylar spartakıadasy bastalady
ASTANA. 14 qańtar. QazAqparat - 14-18 qańtarda №65 mekteptiń sport zalynda «Biz Qazaqstannyń bolashaǵymyz!» atty Astana qalasy oqýshylarynyń spartakıadasy ótedi.
Bul týraly astana.kz saıtyna Týrızm, dene shynyqtyrý jáne sport basqarmasynan habarlady.
Jarys jasóspirimder arasynda uıymdastyrylady. Oǵan elordanyń úsh aýdanynan 62 komanda: Esil aýdanynan 7 komanda, Saryarqa aýdanynan 25 jáne Almaty aýdanynan 30 komanda qatysady. Іs-sharanyń maqsaty buqaralyq sportty damytý, pozıtıvti ımıdjdi nyǵaıtý, salaýatty ómir saltyn nasıhattaý, «Astana - esirtkisiz qala» óńirlik baǵdarlamasyn júzege asyrý bolyp tabylady. Sonymen qatar, buqaralyq sport túrleri, sport jarystaryna qatysýshylarynyń sheberlikteri men Spartakıadaǵa qatysýshylardyń arasyndaǵy dostyq qarym-qatynastar nasıhattalady.
