Búgin elordada avtobýs júrmeıdi

NUR-SULTAN. QazAqparat – Búgin, 25 sáýirde elordada qalalyq jáne qala mańyna qatynaıtyn baǵdarlardyń qozǵalysy toqtatylady, dep habarlaıdy QazAqparat City Transportation Systems kompanııasyna silteme jasap.

«Búgin, 25 sáýirde Nur-Sultan qalasynda jáne qala mańyna qatynaıtyn baǵdarlardyń qozǵalysy bir kúnge toqtatyldy. Dezınfektsııalyq jumystar júrgiziledi», delingen habarlamada.⠀

Jolaýshy tasymalymen aınalysatyn kompanııa qoǵamdyq kólikte betperde taǵý rejımin saqtaýdy suraıdy. Avtobýsqa betperdesiz kirýge bolmaıdy. Jol aqysy qolma-qol aqshasyz tólenedi.

Elorda qazir «qyzyl aımaqta» ornalasqan. Soǵan baılanysty jeksenbi kúni qoǵamdyq kóliktiń jumysy toqtatylady. Avtobýstar men avtoparkterde arnaıy zalalsyzdandyratyn eritindimen aýqymdy dezınfektsııa jumysy júrgiziledi.

Eger qala «qyzyl» aımaqta bolsa, onda Ashyq qosymshasyn qoldanatyn bıznes ıeleri «sary» aımaq úshin kózdelgen sharttar boıynsha jumys isteı alady.