Búgin elordada 870-ten astam tehnıka qar jınaýǵa shyqty

Bul týraly elordanyń resmı saıtynda habarlady.

Qalanyń kommýnaldyq qyzmetteri vedomstvoǵa qarasty uıymdardyń jumys kúshterin qosymsha tarta otyryp, nysandardy mol túsken qardy jedel arada arshý úshin qar jaýyp turǵan kezde de, odan keıin de qala kóshelerin, saıabaqtardy, gúlzarlardy jınaı otyryp, jaýǵan qardy jedel tazalaýda.

Brıgadalar kóshelerdi jedel tazalaý jáne qardy nysandardan qalanyń qar jınaıtyn polıgonyna aparý úshin túngi ýaqytta da jumys isteıdi. Qazirgi kezde qar jınaý jumystaryna «Almaty» aýdanynda - 1227, «Esil» aýdanynda - 713 jáne «Saryarqa» aýdanynda - 611 jumysshy tartyldy.

2015 jylǵy 14 qarashadaǵy jaǵdaı boıynsha qalanyń qar tógýge arnalǵan ornyna jyldyń basynan beri 56 myń tekshe metr qar tógildi.

Sınoptıkterdiń aıtýynsha, osy demalys kúnderi aýa raıy jaýyn-shashynsyz, kóshpeli bult bolady. Búgin, 14 qarashada, temperatýra túnde -5-7°S, kúndiz -2-4°S quraıdy.

Jeksenbide shyǵystan 9-14m/s jel soǵady, aragidik jeldiń uıytqýy 15-20 m/sek. deıin jetedi dep boljanýda. Temperatýra túnde -6-8°S-ge deıin tómendeıdi, kúndiz aýa -2-4°S-ge deıin jylynady.