Búgin elordada 65 sábı dúnıe esigin ashady dep kútilýde

 ASTANA. 1 jeltoqsan. QazAqparat - Búgin qalalyq № 3 perzenthanada 2012 jyldyń 1 jeltoqsanynda dúnıe esigin ashqan sábılerge eskertkish syılyqtar tapsyrý rásimi ótti, dep habarlady Astana qalasynyń resmı saıty.

Valentına Zolotareva, Áıgerim Úsenbaeva, Aqnıet Jumabaeva jáne Lılııa Faızýllına Astana qalasy Densaýlyq saqtaý basqarmasy bastyǵynyń orynbasary Gúlnar Tólegenovanyń qolynan Tuńǵysh Prezıdent kúni merekesi jazýy bar sábıler kombınezondary men eskertkish syılyqtar aldy.

Jas ana Lılııa Faızýllına bul onyń dúnıege kelgen uly ekeýiniń alǵashqy syılyǵy ekendigin aıtyp, qýanyshymen bólisti jáne ony mindetti túrde eskertkishke saqtap qoıatynyn jetkizdi. «Qyzymnyń osyndaı aıtýly kúni týǵanyna ózimdi baqytty sezinip turmyn», - dedi Valentına Zolotareva.

Astana qalasy Densaýlyq saqtaý basqarmasy bastyǵynyń orynbasary Gúlnar Tólegenova: «Bizdiń memlekettiń osylaı balalarymyz úshin ómir súrýge jaqsylyǵy mol bolsyn», - degen tilegin bildirdi.

Osy kezeńde qalada barlyǵy 15 sábı dúnıege keldi. Olardyń - 9-y qyz bala. Dárigerler kúni boıy qalada 65 sábı dúnıege keledi dep kútýde.