Búgin elordada 3 500 túlek mektep bitiredi
ASTANA. 25 mamyr. QazAqparat - Búgin Astanadaǵy jalpy bilim beretin 82 mektepte sońǵy qońyraý soǵylady. 2013 jyldyń 25 mamyry - on birinshi synyptyń 3 686 oqýshysy úshin sońǵy oqý kúni bolmaq.
Bul týraly qalalyq Bilim basqarmasynan málim etti.
Mektep bitirýshilerdiń jalpy sanynan 3292 túlek UBT-ǵa qatysýǵa ótinish berdi. 11-shi synyp oqýshylary arasynda Ulttyq biryńǵaı testileýden tapsyrýdan bosatylǵandar da bar. Olar halyqaralyq olımpıadalar men ǵylymı jobalar jarystarynyń jeńimpazdary jáne shetelderde nemese kolledjderde oqyǵysy keletin balalar. 2006 jyldan beri respýblıkanyń barlyq aımaqtary arasynda Astanada UBT tapsyrý nátıjeleriniń jaqsarǵandyǵy baıqalady.
astana.kz saıtynyń jazýynsha, 2012-2013 oqý jylynyń aıaqtalýyna arnalǵan saltanatty jıyndar qalanyń barlyq mektepterinde 25 mamyr kúni saǵat 10-da bastalady. Al 12.00-den 15.00-ge deıin Astananyń úsh alańynda: QR Qarjy mınıstrligi aldyndaǵy alańda, «Orbıta» shaǵyn aýdanyndaǵy alańda jáne «Ǵashyqtar» saıabaǵynda merekelik kontsertter josparlanǵan.
Sondaı-aq 25 mamyr kúni keshki saǵat 18.00-de jańa Mektep oqýshylary saraıynda «Trıýmf» baly ótedi. Onda 300 halyqaralyq jáne respýblıkalyq olımpıadanyń jeńimpazdaryna qurmet kórsetiledi. Sondaı-aq júldegerlerdi daıyndaǵan muǵalimderdi marapattaý jáne merekelik kontsert josparlanǵan.
