Búgin elorda kóshelerinen 19 myń tekshe metrden astam qar shyǵaryldy

ASTANA. QazAqparat – Astanada qar tazartý jumysy táýlik boıy júrip jatyr, dep habarlaıdy QazAqparat.

Kún saıyn qar kúreý jumystaryna 1,5 myńǵa jýyq jol jumysshysy men 1 myńǵa jýyq arnaıy tehnıka jumyldyrylady.

Tek 20 aqpanda kúndizgi ýaqytta kósheler, joldar, alańdar men trotýarlardan 19 myń tekshe metrden astam qar shyǵaryldy, bul júk kólikteriniń 1 577 reısi.

Qys mezgili bastalǵaly qaladan 3,3 mıllıon tekshe metrden astam qar shyǵaryldy, qar polıgondaryna 268 459 reıs jasaldy.