Búgin elimizdiń tórt qalasynda aýa sapasy nasharlaıdy
NUR-SULTAN. QazAqparat – Búgin Qazaqstannyń kóptegen qalalarynda meteorologııalyq jaǵdaı qolaıly bolady, dep habarlaıdy QazAqparat.
«Qazgıdromet» RMK baspasóz qyzmeti taratqan málimetke sensek, 16 jeltoqsan kúni elimizdegi qalalardyń basym kópshiliginde meteorologııalyq ahýal birqalypty bolady.
Tek Nur-Sultan, Almaty, Balqash jáne Shymkent qalalarynda aýa sapasy birshama nasharlaıdy.
Qolaısyz meteorologııalyq jaǵdaılar - atmosferalyq aýanyń betki qabatynda zııandy zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversııa) jıyntyǵy.
QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.
