Búgin elimizdiń soltústiginde burshaq jaýýy yqtımal, shyǵysynda kún ysıdy
ASTANA. QazAqparat - 1 qyrkúıekte Qazaqstan terrıtorııasynyń basym bóliginde atmosferalyq fronttardyń ótýine baılanysty turaqsyz aýa raıy saqtalady, keı jerlerde jańbyr jaýyp, naızaǵaı bolady, kúndiz respýblıkanyń soltústiginde burshaq bolýy yqtımal, jel kúsheıedi.
Tek ońtústik, ońtústik-shyǵysynda jáne shyǵysynda jaýyn-shashynsyz aýa raıy bolady, dep habarlaıdy «Qazgıdromet» RMK. Aqmola, Qyzylorda, Mańǵystaý, Qostanaı oblystarynyń keı jerlerinde naızaǵaı bolady, jel 15-20 m/s kúsheıedi. Soltústik Qazaqstan oblysynyń keı jerlerinde naızaǵaı, burshaq bolady, jeldiń 15-20 m/s kúsheıýi kútiledi. Qaraǵandy oblysynyń keı jerlerinde naızaǵaı bolady, jel 15-20 m/s soǵady, túnde tuman bolady. Pavlodar kúndiz Shyǵys Qazaqstan, Jambyl oblystarynda jel 15-20 m/s kúsheıýi kútiledi. Batys Qazaqstan oblysynyń keı jerlerinde naızaǵaı, kúndiz jel 15-20 m/s kúsheıedi. Aqtóbe oblysynda naızaǵaı oınaıdy. Kúndiz Shyǵys Qazaqstan oblysynda ystyq bolady. Qyzylorda oblysynyń keı jerlerinde, Batys Qazaqstan, Aqtóbe, Qostanaı, Qaraǵandy, Ońtústik Qazaqstan, Jambyl, oblystarynda joǵary órt qaýpi saqtalady.
