Búgin elimizdiń soltústiginde burshaq jaýady, ońtústik óńirlerde jaýyn-shashynsyz - Qazgıdromet
ASTANA. QazAqparat - 7 shilde kúni Qazaqstannyń basym bóliginde turaqsyz aýa raıy saqtalady, frontaldi bólikterdiń ótýine baılanysty keı jerlerde naızaǵaı oınap, jańbyr jaýyp, jel kúsheıedi, respýblıkanyń soltústigi men shyǵysynyń keı jerlerinde burshaq jaýýy yqtımal. Ońtústik jáne ońtústik-shyǵysta jaýyn-shashynsyz aýa raıy saqtalady, dep habarlaıdy «Qazgıdromet» RMK.
Aqmola oblysynyń keı jerlerinde naızaǵaı, burshaq jaýýy yqtımal, jeldiń ekpini túnde keı jerlerde, kúndiz oblystyń basym bóliginde 15-20, keı jerlerde 24 m/s kúsheıýi kútiledi.
Aqtóbe, Qaraǵandy, Shyǵys Qazaqstan oblystarynyń keı jerlerinde naızaǵaı kútilip, jel 15-20 m/s kúsheıedi. Qyzylorda oblysynyń keı jerlerinde kúndiz jel 15-20 m/s kúsheıedi. Mańǵystaý, Atyraý, túnde Batys Qazaqstan oblystarynyń keı jerlerinde naızaǵaı, kúndiz keı jerlerde jel 15-20 m/s kúsheıedi. Qostanaı oblysynda keı jerlerde naızaǵaı oınaıdy, túnde keı jerlerde, kúndiz basym bóliginde jel 15-20 m/s deıin kúsheıedi. Soltústik Qazaqstan, Pavlodar oblystarynda keı jerlerde naızaǵaı kútilip, burshaq jaýýy yqtımal, jel 15-20 m/s kúsheıedi. Kúndiz Mańǵystaý, Aqtóbe, Qaraǵandy oblystarynyń keı jerlerinde kúndiz qatty ystyq kútiledi. Aqtóbe, Qyzylorda oblystarynyń basym bóliginde, Ońtústik Qazaqstan, Jambyl, Atyraý, Batys Qazaqstan, Qaraǵandy, Qostanaı, Almaty oblystarynyń keı jerlerinde óte joǵary órt qaýpi saqtalady.
