Búgin elimizdiń soltústigi men shyǵysynda qar jaýyp, burqasyn bolady - Qazgıdromet
ASTANA. QazAqparat - 28 aqpan kúni Qazaqstannyń basym aımaqtary antıtsıklon yqpalynda bolǵandyqtan, jaýyn-shashynsyz aýa raıy saqtalady, dep habarlaıdy «Qazgıdromet».
Tek respýblıkanyń soltústigi men shyǵysy arqyly frontaldy aýa aǵymynyń ótýine baılanysty keı jerlerde qar, jaıaý burqasyn, kóktaıǵaq bolyp, jeldiń kúsheıýi kútiledi. Keı jerlerde tuman bolady.
Túnde jáne tańerteń Aqmola oblysynyń keı jerlerinde tuman kútilip, burqasynmen jeldiń ekpini 15-20 m/s deıin kúsheıedi. Jambyl, Mańǵystaý, Batys Qazaqstan, Aqtóbe, Qostanaı, Soltústik Qazaqstan, Qaraǵandy, túnde Almaty oblystarynyń keı jerlerinde tuman kútiledi. Ońtústik Qazaqstan oblysynyń keı jerlerinde tuman túsedi, jel soǵady, onyń ekpini 15-20 m/s. Atyraý oblysynyń keı jerlerinde tuman kútilip, kúndiz 15-20 m/s jel soǵady. Pavlodar oblysynyń keı jerlerinde jeldiń 15-20 m/s kúsheıedi, kúndiz jaıaý burqasyn bolady dep kútiledi. Shyǵys Qazaqstan oblysynyń keı jerlerinde jaıaý burqasyn, kóktaıǵaq, túnde keı jerlerde tuman túsip, kúndiz keı jerlerinde kúshi 15-20 m/s deıin jel soǵady.
