Búgin elimizdiń shyǵys, soltústik jáne ortalyq bólikterinde kún raıy qubylmaly bolady
ASTANA. QazAqparat - Tsıklon jáne onymen baılanysty atmosferalyq fronttar Qazaqstannyń shyǵys, soltústik jáne ortalyq bólikteriniń aýa raıyna yqpalyn tıgizedi, keı jerlerde naızaǵaı oınap, jańbyr jaýyp, kúndiz burshaq jaýýy yqtımal, jel kúsheıedi.
Respýblıkanyń soltústiginde túnde jáne tańerten keı jerlerde tuman kútiledi. Tek respýblıkanyń batysy men ońtústiginde jaýyn-shashynsyz aýa raıy saqtalady, dep habarlaıdy «Qazgıdromet» RMK.
Almaty, Jambyl, Ońtústik Qazaqstan, Pavlodar, túnde Qaraǵandy, kúndiz Mańǵystaý oblystarynyń keı jerlerinde jel 15-22 m/s deıin kúsheıedi. Mańǵystaý oblysynda shańdy daýyl soǵady. Qostanaı, Soltústik Qazaqstan oblystarynyń keı jerlerinde túnde jáne tańerteń tuman kútiledi. Shyǵys Qazaqstan oblysynyń keı jerlerinde jeldiń ekpini 15-20 m/s kúsheıedi, kúndiz burshaq bolýy yqtımal. Atyraý, Qyzylorda, Ońtústik Qazaqstan, Jambyl, Almaty oblystarynda, Aqtóbe, Qaraǵandy, Batys Qazaqstan, Shyǵys Qazaqstan oblystarynyń keı jerlerinde óte joǵary órt qaýpi saqtalady.
