Búgin elimizdiń ońtústik jáne batys óńirlerinde aptap ystyq bolady
ASTANA. QazAqparat - Búgin elimizdiń soltústik, shyǵys jáne ońtústik-shyǵysynda aýa raıy qubylmaly bolady, keı jerlerde naızaǵaı oınap, jańbyr jaýady. Jel ekpini kúsheıedi. Soltústikte jáne shyǵysta keı jerlerde burshaq jaýýy múmkin, Qazaqstannyń qalǵan terrıtorııasynda jaýyn-shashyn bolmaıdy.
Bul týraly QR ІІM TJD baspasóz qyzmeti habarlaıdy.
Pavlodar, Shyǵys Qazaqstan, kúndiz Aqmola oblystarynyń keı jerlerinde jel 15-20 m/s-qa deıin kúsheıip, burshaq jaýýy múmkin.
Almaty, tańerteń jáne kúndiz Qostanaı oblysynyń keı jerlerinde jel ekpini 15-20 m/s-qa deıin kúsheıedi.
Soltústik Qazaqstan oblysynyń keı jerlerinde jel 15-20 m/s jyldamdyqpen uıytqyp, kúndiz burshaq jaýýy múmkin.
Kúndiz Almaty, Jambyl, Mańǵystaý, Atyraý, Batys Qazaqstan oblystarynda, Aqtobe oblysynyń keı jerlerinde qatty ystyq kútiledi.
Qyzylorda, Jambyl, Ońtústik Qazaqstan oblystarynda, Batys Qazaqstan, Aqtóbe, Almaty, Qaraǵandy, Shyǵys Qazaqstan oblystarynyń keı jerlerinde óte joǵary órt qaýipi saqtalady.
