Búgin elimizdiń ońtústiginde burshaq jaýýy múmkin, keı jerlerde jel kúsheıedi - Qazgıdromet
ASTANA. QazAqparat - Qazaqstannyń barlyq aımaqtarynda atmosferalyq frontaldy aýa bólikterdiń ótýine baılanysty turaqsyz aýa raıy saqtalady, keı jerlerde jańbyr jaýady, ońtústikte naızaǵaı oınap, burshaq jaýýy múmkin, keı jerlerde jeldiń kúsheıýi kútiledi.
Tek batysta ashyq aýa raıy saqtalady, dep habarlaıdy «Qazgıdromet».
Ońtústik Qazaqstan oblysynda túnde jáne tańerteń jeldiń ekpini 23-28 m/s kúsheıedi, taýly aımaqtarda jeldiń ekpini 30 m/s deıin jetedi dep kútiledi, keı jerlerde naızaǵaı oınap, burshaq jaýady. Jambyl oblysynyń keı jerlerinde 17-22 m/s jel soǵady, keı jerlerde ekpini 30 m/s deıin jetedi, birqatar jerlerinde naızaǵaı oınaıdy. Almaty oblysynda kúndiz keı jerlerinde jeldiń ekpini 18-23 m/s kúsheıedi, naızaǵaı baıqalady. Atyraý, Batys Qazaqstan, Aqtóbe, Soltústik Qazaqstan, Qyzylorda, Qaraǵandy, Shyǵys Qazaqstan, kúndiz Mańǵystaý, Pavlodar oblystarynyń keı jerlerinde naızaǵaı bolady, jel 15-20 m/s deıin kúsheıedi. Qostanaı oblysynda túnde keı jerlerde, kúndiz jeldiń ekpini 17-22 m/s kúsheıedi, keı jerlerde naızaǵaı oınaıdy. Aqmola oblysynyń keı jerlerinde jeldiń ekpini 15-20 m/s, kúndiz jekelegen aýdandarda 25 m/s deıin jetedi.
