Búgin elimizdiń kóptegen aımaqtarynda boran soǵyp, kóktaıǵaq bolady
ASTANA. QazAqparat - 7 naýryz kúni Qazaqstannyń basym bóliginde jaýyn-shashyn mol túsip, qatty jel turady. Soltústik óńirlerde boran soǵyp, jekelegen aımaqtarda tuman túsip, kóktaıǵaq bolady, dep habarlaıdy QR TJM baspasóz qyzmetinen.
Aqmola, Qostanaı oblystarynyń keı jerlerinde sekýndyna 15-20 metrge deıin boran soǵady. Al Jambyl, Ońtústik Qazaqstan oblystarynyń keıbir aımaqtarynda tuman túsip, sekýndyna 15-20 metrge deıin jel soǵady. Almaty oblysynyń keı jerlerinde tuman túsedi, Jalańashkól aımaǵynda 15-20 metrge deıin jel soǵyp, onyń kúshtiligi sekýndyna 25 metrge deıin jetýi múmkin. Qyzylorda, Mańǵystaý oblystarynyń birqatar aımaqtarynda tuman túsip, kóktaıǵaq bolady, kúndiz Mańǵystaý oblysynda jeldiń ekpini sekýndyna 18 metrge deıin jetedi. Atyraý, Pavlodar oblystarynda kúndiz jyldamdyǵy 15-20 m/s deıin jetetin jel soqsa, Shyǵys Qazaqstan, Batys Qazaqstan oblystarynda tuman túsip, shyǵys óńirde kúndiz jeldiń kúshi 15-20 m/s jetedi. Soltústik Qazaqstan óńirinde burqasyndatyp, tuman túsedi, kóktaıǵaq bolady.
