Búgin elimizdiń keı jerlerinde jel kúsheıip, kóktaıǵaq bolady
ASTANA. QazAqparat - 16 jeltoqsanda Qazaqstannyń basym aımaqtarynda atmosferalyq fronttardyń ótýine baılanysty turaqsyz aýa raıy bolatyndyqtan, jaýyn-shashyn túsedi, dep habarlaıdy «Qazgıdromet» RMK.
Respýblıkanyń keı jerlerinde tuman, kóktaıǵaq, jeldiń kúsheıýi, burqasyn kútiledi, tek ońtústik-shyǵysynda jáne shyǵysynda aýa raıy jaýyn-shashynsyz bolady.
Batys Qazaqstan, Shyǵys Qazaqstan oblystarynyń keı jerlerinde burqasyn, tuman, kóktaıǵaq bolady, jel 15-20 m/s kúsheıedi. Aqmola oblysynda, kúndiz Aqtóbe oblystarynyń keı jerlerinde kóktaıǵaq bolady, burqasynymen jel 15-20 m/s deıin kúsheıedi. Almaty oblysynyń Jalańashkól aýdanynda jel 20-25, ekpini 30 m/s kúsheıedi. Jambyl oblysynyń keı jerlerinde tuman bolady. Mańǵystaý, Qyzylorda oblystarynyń keı jerlerinde tuman, kóktaıǵaq kútiledi, jel 15-20 m/s kúsheıedi. Pavlodar oblysynda, kúndiz Ońtústik Qazaqstan oblystarynyń keı jerlerinde tuman túsip, jel 15-20 m/s kúsheıedi. Qostanaı oblysynda, kúndiz Qaraǵandy oblystarynyń keı jerlerinde jel 15-20 m/s kúsheıedi, Qostanaı oblysynda burqasynmen bolady. Soltústik Qazaqstan oblysynyń keı jerlerinde tuman túsip, jel 15-20 m/s kúsheıedi, kúndiz keı jerlerinde kóktaıǵaq, burqasyn bolady. Atyraý oblysynyń keı jerlerinde burqasyn, kóktaıǵaq bolyp, túnde jel keı jerlerinde 15-20 m/s jetip, kúndiz ekpini 17-22 m/s kúsheıedi.
