Búgin elimizdiń keı jerlerinde jel kúsheıedi, batys óńirlerde kún ysıdy
ASTANA. QazAqparat - 10 tamyz kúni Qazaqstannyń kóptegen bólikterinde atmosferalyq frontaldy bólikterdiń ótýine baılanysty, turaqsyz aýa raıy saqtalady, keı jerlerinde jańbyr jaýyp, naızaǵaı bolady, jel kúsheıedi, dep habarlaıdy «Qazgıdromet».
Tek respýblıkanyń ońtústiginde jáne ońtústik batysynda aýa raıy jaýyn-shashynsyz. Aqmola oblysynda, kúndiz Qostanaı, Soltústik Qazaqstan, Pavlodar, Qaraǵandy oblystarynyń keı jerlerinde naızaǵaı baıqalady, jel 15-20 m/s kúsheıedi. Almaty oblysynyń taýly aýdandarynda naızaǵaı baıqalady, keı jerlerinde jel 15-20 m/s kúsheıedi. Batys Qazaqstan oblysynda, túnde Aqtóbe oblysynda naızaǵaı bolady, Batys Qazaqstan oblysynda kúndiz keı jerlerinde jel 15-20 m/s kúsheıedi. Atyraý oblysynda, Batys Qazaqstan oblysynyń keı jerlerinde kúndiz qatty ystyq bolady. Atyraý, Aqtóbe, Qyzylorda, Ońtústik Qazaqstan, Jambyl oblystarynyń basym bólikterinde, Qaraǵandy, Almaty, Batys Qazaqstan, Shyǵys Qazaqstan oblystarynyń keı jerlerinde joǵary órt qaýpi saqtalady.
