Búgin elimizdiń keı aımaqtarynda boran kúsheıedi - «Qazgıdromet» RMK
ASTANA. QazAqparat - Qazaqstannyń basym bóliginen atmosferalyq aýa aǵymynyń ótýine oraı kún raıy qubylmaly bolyp, keı jerlerde qar jaýady, burqasyndy jeldiń ekpini kúsheıe túsedi, tek eldiń ońtústigi men ońtústik-shyǵysynda ashyq aýa raıy saqtalady, keı aımaqtarda tuman túsedi, dep habarlady «Qazgıdromet» RMK.
Aqmola, Pavlodar, kúndiz Shyǵys Qazaqstan oblystarynda jeldiń ekpini 15-20 m/s-qa kúsheıip, burqasyndatady.
Soltústik Qazaqstan oblysynda túnde keı aımaqtarynda boran soǵyp, tuman túsedi, jeldiń ekpini 15-20 m/s. Qaraǵandy oblysynda keı jerlerinde boran soǵyp, tuman bolady, kúndiz jel 15-20 m/s deıin kúsheıedi dep kútilýde. Almaty oblysyndaǵy Jalańashkól aýdanynda jeldiń kúshi 15-20 m/s-qa, uıytqýy - 25 m/s-qa jetedi, túnde tuman túsedi. Jambyl, Shyǵys Qazaqstan oblystarynda, túnde Qostanaı oblysynda keı jerlerinde tuman túsedi.
