Búgin elimizdiń eń úzdik redaktorlary men jýrnalısteri marapattalady
ASTANA. 9 jeltoqsan. QazAqparat - Bas redaktorlar klýby Qazaqstannyń 2011 jylǵy eń úzdik redaktorlary men jýrnalısterine jáne shetel tilshilerine júlde taǵaıyndady,
dep habarlady atalǵan klýbtyń baspasóz qyzmetinen.
«Respýblıkalyq BAQ arasynda «Central Asia Monitor» gazetiniń bas redaktory Bıgeldi Ǵabdýllın eń úzdik bas redaktor bolyp tanyldy. «Otyrar» teledıdarynyń (Ońtústik Qazaqstan oblysy) bas redaktory Záýre Oralbaeva aımaqtyq BAQ arasyndaǵy eń úzdik redaktor atandy. «Vremıa» gazetiniń tilshisi Gennadıı Bendıtskıı respýblıkalyq BAQ arasynda eń úzdik jýrnalıst ataǵyna ıe bolsa, Batys Qazaqstan obylsyndaǵy «Kazaqstan» telearnasy fılıalynyń tilshisi Danııar Ramazanov (Oral qalasy) aımaqtyq BAQ arasynda eń úzdik jýrnalıst atandy», - delingen habarlamada.
Sonymen qatar «Bas redaktorlar Klýby» QB bıyl alǵashqy ret «Eýrazııanyń altyn qalamy» atty júldeni taǵaıyndady. Atalǵan jýldege Reseı, Belarýs jáne Qyrǵyzstan elderiniń jýrnalısteri ıe boldy. Atap aıtqanda «Nezavısımaıa gazeta» (Máskeý qalasy) basylymnyń sholýshysy Vıktorııa Panfılova, «Narodnaıa gazeta» (Mınsk qalasy) basylymnyń bas redaktory Vladımır Andrıevıch jáne Qyrǵyzstan «Azattyq radıosy» redaktsııasynyń tilshisi Janarbek Aqaev atalǵan júldege ıe boldy.
Marapattaý rásimi búgin Astanada ótedi.
