Búgin elimizdiń birqatar óńirlerinde jel kúsheıip, burqasyndatady
ASTANA. QazAqparat - 25 qarashada respýblıkanyń kóptegen bólikterinde frontaldy aýa bólikteriniń ótýine baılanysty jaýyn-shashyn saqtalady, burqasyndatyp, tuman túsedi, kóktaıǵaq bolyp, jel kúsheıedi.
Eldiń ońtústik-batys, ońtústik, ońtústik-shyǵysynda jaýyn-shashynsyz aýa raıy kútiledi.
Shyǵys Qazaqstan, Aqmola, kúndiz Mańǵystaý, túnde Qostanaı oblystarynyń keı jerlerinde jel 15-20 m/s kúsheıedi, keı jerlerde tuman, kóktaıǵaq kútiledi. Soltústik Qazaqstan, Pavlodar oblystarynda jel 15-22 m/s deıin kúsheıip, burqasyn, kóktaıǵaq bolady, tuman túsedi. Almaty oblysynda túnde jáne tańerteń keı jerlerinde tuman kútilip, Jalańashkól aımaǵynda ekpini 18-23 m/s jel soǵady. Atyraý, Aqtóbe oblystarynyń keı jerlerinde tuman túsip, kóktaıǵaq bolady. Jambyl, Ońtústik Qazaqstan, Qyzylorda, Batys Qazaqstan, Qaraǵandy oblystarynyń keı jerlerinde tuman túsedi.
