Búgin elimizdiń birqatar óńirlerinde kóktaıǵaq bolady
ASTANA. QazAqparat - Qazaqstannyń basym bóliginde atmosferalyq aǵyndardyń ótýine baılanysty aýa raıy turaqsyz bolady. Keı jerlerde qar túsip, jel kúsheıip, boran soǵyp, tuman túsýi yqtımal. Tipti kóktaıǵaq ta bolýy múmkin, dep habarlaıdy «Qazgıdromet».
Almaty oblysy Jalańashkól aýdanynda jel kúsheıip, onyń ekpini 27 metr sekýndqa deıin jetedi. Túnde tuman túsedi dep kútilýde. Shyǵys Qazaqstan oblysynyń keıbir jerlerinde de jel kúsheıedi, Jarma aýdanynda jel ekpini 27 metr sekýndqa deıin jetýi múmkin. OQO-da, túnde Almaty oblysynda, SQO-da, Qostanaı oblysynda jel ekpini 15-20 m/s deıin kúsheıedi. Batys Qazaqstan, Aqtóbe, Mańǵystaý oblystarynda tuman túsip, jerdiń betin muz basýy múmkin. Qyzylorda gıdrometeorologııa ortalyǵynyń habarlaýynsha, Qyzylorda oblysynyń keı jerlerinde jeldiń ekpini 15-20 m/s deıin kúsheıip, kóktaıǵaq kútiledi. Osyǵan baılanysty, Qyzylorda oblysy Tótenshe jaǵdaılar departamenti oblys turǵyndary men qonaqtaryna qaýipsizdikti saqtaý sharalaryna basa nazar aýdarýyn eskertedi. Aldaǵy kúnderi Shardara sý qoımasyna quıatyn sýlardyń mólsheri kóbeıýýi múmkin. Respýblıkanyń ońtústik, ońtústik-shyǵys jáne shyǵys óńiriniń keıbir ózenderinde sý deńgeıiniń terbelýi yqtımal.
