Búgin elimizdiń birqatar aımaqtarynda jaýyn-shashyn túsip, kóktaıǵaq bolady
ASTANA. QazAqparat - 28 naýryz kúni Qazaqstannyń basym bóliginde aýa raıy qubylmaly bolady, dep habarlaıdy «Qazgıdromet» RMK.
Keı jerlerde jaýyn-shashyn túsip, jel kúsheıedi, jekelegen aımaqtarda - tuman túsip, kóktaıǵaq bolady. Tek elimizdiń ońtústigi men shyǵysynda ǵana kún raıy ashyq bolady dep kútilýde.
Túnde Aqmola, Qaraǵandy oblystarynda tuman túsip, kóktaıǵaq bolady, jeldiń ekpini 15-20 m/s deıin kúsheıedi. Atyraý, Shyǵys Qazaqstan oblystarynda túnde jáne tańerteń jel kúsheıse, Qyzylorda, Mańǵystaý oblystarynda, sondaı-aq túnde Jambyl oblysynyń keı jerlerinde tuman túsedi. Batys óńiriniń keı aımaqtarynda da tuman túsip, kúndiz jeldiń jyldamdyǵy 15-20 m/s deıin jetedi. Sonymen qatar, Qostanaı, Soltústik Qazaqstan oblystarynda da osyndaı aýa raıy baıqalmaq. Pavlodar oblysynda jeldiń ekpini 18 m/s jetpek.
